Hallo dames van Zijactief,
Sjrik neet dames, ich gaon vandaag in ut plat, det vinj ich waal passe biej dae sjlókmiddig mit Mary Anne , de eigenaresse van ut sjlókwinkelke in Postert.
De sjlók sjting heerlijk oetgesjtald, maar Marie-Anne heel eers ein heel grappig pruitje.
Maar noe gaon ich heel aeve truuk nao miene eige kienjer tied.
Veer woonde namelijk in ut Remunjse Veldjt naeve ein sjlókwinkelke.
Det waas van oma Keltjes, die verkoch sjlók en sigaretten. Mien broor kós zich herinnere det hae ein pekske Camel ging kaupe en toen vroog oma: zeen det sigarette of is det sjlók? Miene jongere broor koch dao altied laotcaramels.
Die kosde eine cent per sjtök.
Enfin det waas vreuger, maar Marie-Anne vertelde det zie die verhaole auch heurde in de bejaardehoeze.
Ederein mos vreuger auch laevertraon en daonao kreeg ze dan ein sjnoepje.
In de pauze waerde flink sjlók gekoch door de dames. Ut waas eine super gezellige middig. Der waerde auch nog geregeld get oetgedeild. Ein lekker sjpekske, eine lollie, ein sjluukske klitswater, heerlijk.
Marie-Anne, bedank, ut waas eine topmiddig.
Fieke Steuns
