Gedicht geschreven door Fieke Steuns-Allers
Is oos brein ein zeef of is ut safe?
Oos brein of wiej veer det zegke: oos hersepan,
Nou, die kint der get van!!
Dinke, male, fantaseren en neet te vergaete VERGAETE.
Num ut maar op, ut is neet te maete.
As kiendjt mosde ze vöäl dinke,
Tiendens de sjtudie kos ze in de leersjtóf verdrinke,
Öm dich haer sjting de waereld auch neet sjtil,
Dus ut köpke waas toen ech waal de sjpil.
Fantaseren deeje veer in ooze pubertied,
Euver carriéres, vriejers, de werkelijkheid waas heel wiet.
Dien elders reepe: gebroek toch dien versjtand,
Waat is der toch mit dich aan de handjt?
Noe zitte veer hiej allemaol, bes waal get aajer,
Veer höbbe ut auch sjnel kaaier.
As ich nao bed gaon, begin ich noe dökker te male,
Ich sjlaop dan sjlech en dao kin ich flink van bale!!
