De titel zeit ut helemaol,
Ut is bie mich compleet ein kwaol,
Biej ut kriege van de kienjer is ut begonne,
Vreuger höb ich waal ins get verzonne,
Maar nao de gebaorte van mien drie sjatte,
Waas ut euver mit de fantasie, det kint geer toch waal vatte.
In ut beukske van de peutersjpeelzaal publiceerde ich
Ein verhäölke en soms waagde ich mich aan ein gedich.
As ze klein zeen is ut sjoon waat ze allemaol zegke en doon,
En doe vertels ut eederein door de telefoon.
Maer auch noe, ze zeen volwasse,
Zeen de oetsjpraoke soms nog klasse,
Eigelijk bön ich altied bezig mit de taal,
Sjrieve, laeze, dinke of puzele, ut is mich gans egaal.
Ut allerfijnste vinj ich dinke
Leuke dinge, trieste of soms auch linke!!
Achter de sjtriekplank op de grondjt,
Of biej ut wanjele mit de hondjt,
Neemes pak mich mien gedachte aaf
Die naem ich mit toet in mien graaf,
Ich raoj uch aan: probeer ut ins oet,
En det zegk ich toet besjloet.
Groete van Fieke
